الجمعة، 2 مايو، 2008

إبني في غربته..

قامت من قيلولتها في في وقت العصاري ...تجرجر خلفها بقايا التعب ..والنوم الذي جافاها ....جلست على أريكتها المفضله لتلتقط أنفاسها المتعبه ..وأجلست حفيدها بجانبها تتلمسه ...وكأنها تبحث فيه عن حبيب غائب ....

أحضرت إيما لها فنجان القهوه بالحليب الذي تحبه وتتلذذ بشربه في وقت العصاري .....تناولته وأخذت ترتشف منه... وإ ذا بعينيها تقع على صورته المعلقة على الجدار أمامها ....إنها صورة زفاف إبنها ....وضعت الفنجان جانبا وسرحت بعيدا يوم زفافه ...تنبهت على صوت حفيدها ينادي (بابا...بابا......) ومرة أخرى عادت ورأته وهو يلملم أمتعته وما بقي له من ذكريات ليرحل بعيداً عنها ......ليبحث عن رزقه في مكان آخر ...وأفاقت من شرودها على لعب حفيدها بجانب النافذه ...لقد كان يجلس هناك ويحتسي القهوه ويدخن سيجارته ...كانت تجلس لتراقبه وهي تدعو الله في سرها (يارب إبعده عن التدخين ,الله يسامحه إللي كان السبب..)....توجهت ناحية النافذه مسرعة لتبعد حفيدها عنها ...ولكنها بقيت لتتحسس وجوده هناك ...ومن النافذه لمحت أحد أصدقائه ..

إزيك يا طنط ؟

كويسه يا ابني ...

الدكتور عامل إيه ؟

بيقول إنه كويس....

وتدخل مسرعة من النافذه وهي تردد......آل كويس آل...الله أعلم بيه ..عامل إيه دلوقت...

فتحت لها إيما التلفزيون لتسري عنها قليلاً ...وكانت الكارثه الكبرى ...فيلم لشاديه وهي تدندن ..

سيد الحبايب يا ضناي إنت..... يا كل أملي ومنايا إنت...

لم تتمالك نفسها من البكاء ..وهتفت إقفلي يا بنتي إقفلي ...مش قادره يااولادي ...مش قادره يا اخواتي ..

نظرت إليه إيما نظرة حائره ...فهمتها هي بسرعه فقالت :

ربنا ما يحرمك من ولادك يا بنتي

قامت إيما ...وقد فهمت

قامت لتغسل فناجين القهوه التي لم يشربها أحد...وهي تردد

ربنا ما يحرم حد من ولاده ...الله يسامحك يا بلدنا ...خليتينا نتغرب ونبعيد بعيد عن حبايبنا.

5 من أمدوا قلمي مداده:

مجداوية يقول...

السلام عليكم

أجمل ما فى التدوين انه يعرفك على فكر أناس تجد عندهم الصحبة وان لم تعرفهم

أنا أحب جدا سرد الحكايات اليومية ببساطة وبعفويتك الجميلة ولها مضمون

أيضا اعجبنى جدا نثرك أو زجلك فى المدونة الأخرى ,اخص ما كتبتيه عن الغربة فى الوطن وهى أقسى انواع الغربة

شرفتينى بزيارتك وتعليقك وأسعدتينى بلاتعرف على مدونتك أو بالأصح مدونتيك

تحياتى وتقديرى

ملحوظة ,,برجاء ازالة تأكيد الكلمة تحت مستطيل التعليق هذا من الاعدادات

ولك جزيل الشكر

جميما يقول...

هاى إيماأم ال 3 قمرات

بوست جميل وفعلا إحساس البعد صعب جداً وأنا خارج مصر مع كل أسرتى بس أصدقائى وحشونى جداً
ربنا ما يبعدش أحباء عن بعض أبدا

أشكرك على تشريفك لمدونتى ويا ريت أشوف تعليقك على البوست الجديد

جيجى

و القادم....أجمل يقول...

السلام عليكم
أنا الأول هرد على أسئلتك
بعدين أرد على البوست

===============

الصورة بتعملي remove picture
و بعدين بتعملي save changes
و تطلعي في الصفحة فوق خالص
الصفحة الاساسية تعملي save

================

اللينكات اللي انتي حطاها
هو بيطلب منك اسم اللينك
و بيكون حاططلك
في الخانة كلمة http://

لأ إنتي المفروض تشيليها الأول
و بعدين تعملي كوبي للينك

جربي و طمنيني ياريت

و لي عودة أقرأ البوست براحتي

إحترامي و تقديري

:)

3ala asm masr يقول...

ربنا يرجع كل غايب لاهله بالسلامه يارب

و القادم....أجمل يقول...

غصب عنه
مش البلد
الناس و المسئولين

البلد بتساع ولادها

ربنا يرجع كل الناس
لوطنهم

:)