الاثنين، 14 يوليو 2008

المدونون الصغار ...قادمون




أخيراً إنتهت إمتحانات الأولاد ..وأخذوا أجازتهم ..جلسنا أنا وهم نضع بعض الخطط لقضاء الأجازة والإستفادة منها قدر المستطاع ..فخصصوا طبعاً كل وقتهم للعب ..ولكني إستطعت إقناعهم بتخصيص جزء من وقتهم لحفظ القرآن الكريم الذي توقف منذ بداية إمتحاناتهم...وكذلك عمل جزء من الوقت للإستفاده من النت ..فاختاروا أن يكون لهم مدونة يكتبون فيها ما يشاؤون ..حرية رأي يعني..وطبعاً ده كان رأي الأستاذ زياد ..لدرجة أنه كان يريد مدونة له وحده لا يشاركه فيها إخوته ..ولكني أقنعته بأن مبدأ المشاركة مطلوب ليتعلم كيف بتشارك مع الآخرين آرائهم ويحترمها..وجلسنا نفكر في إسم للمدونة ..وأخيراً وقع إختيارنا على إسم ...زعــــــر....لأني إكتشفت منذ فترة وبالصدفة أن حروف أسمائهم الثلاثة تكون كلمة ..زعــــر...زياد,عاصم,ورامز....وفي الحقيقة الإسم متناسب معاهم تماماً..ومع الحالة التي يكون عليها المكان الذي يتواجدون فيه ...شويه أدب وأخلاق في البداية وبعد كده ...لكم الله ..ولي أنا كمان .


إن شاء الله المدونه الجديدة تعجبكم ...هي حاجات طفوليه شويه لكنها من قلبهم ..


بس ياريت شوية تشجيع وتعليقات كتير ....كتير..لأن زياد كل شويه يفتح المدونه ليطمئن فيه تعليقات ولا لسه ...أصله فاكرها بالساهل كده ...


أحبكم في الله
أسألكم الـدعـــــاء.

19 من أمدوا قلمي مداده:

عاشــــــ النقاب ـقــــة"نونو" يقول...

السلام عليكم حبيبتي
ربنا يبارك في وقتك يارب وفي اولادك
ويوفقكم المولى لما يحبه ويسرضاه
ومبارك عليكم رجب واللهم بلغنا رمضان

بنت الصالحين يقول...

ام البنين اذيك


طيب فين الزعر

عايزة اللينك بس ومالكيش دعوه

مجرد خواطر يقول...

السلام عليكم

يااااااااه دا انا فاتنى حاجات كتير اوى وانتى سيبانى مش تقولى لى حاجة

ربنا يخليهم لك يا رب ويبارك فيهم

ahmed_k يقول...

هذا الشبل من ذاك الأسد
ربنا يباركلك في اولادك وتفرحي بيهم وبولادهم كمان

وأنا رايح اشوف المدونه الزعر الجديده فيها ايه

أما انتي فياريت تشرفيني بالزياره علشان ليكي عندي واجب (تاج) مطلوب وضع لمساتك السحريه علي كيبوردك وتجاوبي عليه
منتظر اشوف اجابتك

دمتي انتي وأبو البنين والبنين بالف خيييير

رندا يقول...

دى اول زيارة ليا عندك وطبعا المدونون الصغار السبب فيها لان الاسم لفت نظرى جدا ربنا يبارك ليكى فيهم ويكونوا ابناء صالحين وبارين بيكى

انا علقت عندهم وعلى طول ان شاء الله
هعلق علشان فعلا اختيارك صح فى الاجازة
لانهم فعلا هيستفادوا جدا من التعليق وكمان لازم يزوروا المدونات ويحاولوا يقروا دة كمان هيفيد ثقافتهم بس حاولى تختارى ليهم المدونات الى يدخلوها علشان احيانا بيكون فى كلمات خارجة وكدة
ربنا معاكى ومعاهم وبالتوفيق ان شاء الله
هما عندهم كام سنة ياريت تقوليلى علشان ارد لكل واحد بسنة

تحياتى لاجمل ام

رندا

Empress appy يقول...

ربنا يوفقهم يا رب
وربنا يستر وميسحبوش البساط مننا هههههههههه
ويا سيتى ليكى نقرا لهم حتى لو قبل النوم

على فكرة هنأجل اللقاء الجاى لغايه اليوم اللى هتيجى فيه وتقولى لنا هنسيبك تحددى الميعاد ايه رايك

أثمن من اللآلئ يقول...

مدونة الأطفال جميلة جداً جداً

زي مدونة أمهم إللي بتحبهم

بس عندي سؤال ؟؟

ليه متسميش الاسم

زرع
بدل من
رعر

زرع احسن بكتيير

ومفيش مشكلة برضة ان زياد يبقي
رئيس الزارعين هههه

تحياتي

ويارب يخليهم ليكي ويقويكي علي تريتك لهم ويجعلهم اطفال صالحين
بارك الله فيكي وفيهم

إبنك ... الكبير .. بعد إذنك طبعاً يا زياد


أثمن من اللآلئ

tarek alghnam يقول...

السلام عليكم
مبروك عليكى وعلينا المدونه
ربنا يوفقك لما يحب ويرضى
اسعد كلما دخلت هنا
تقبلى تحياتى
ودمتى بحفظ الله

سبهللة يقول...

بارك الله لكى فيهم
انا دخلت المدونة هناك
ربنا يوفقهم ان شاء الله
بس قوليلى اعمارهم قد ايه عشان ابقى عارفة وانا بقرا لهم عندهم كام سنة

!!! عارفة ... مش عارف ليه يقول...

ربنا يحميهم
ويخليهم لكم
ويخليكم لهم

تحياتي
وليد

كلبوشستان يقول...

ازيك يا ام زياد

مبروك للزعارير ربنا يخليهم ليكي ويخليكي ليهم ويخلي ابوزياد لينا ولرحلات الايس لاااااااااند

وسلامي لزيزو

Mohamed Dawod يقول...

انا عجبانى الفكره جدا. والله برافو عليكى انك فكرتلهم فى حاجه زى كده. انا شخصيا حدخل على المدونه بتاعتهم وانشاء الله اهريهم ردود....ربنا يخليهم لك ويخليكى ليهم....سلام عليكم

shahy يقول...

ربنا يبارك لك فيهم يارب

وبيني وبينك تبقي تقوليلي بتعملي معاهم اية؟
انا عندي ولد واحد وبنتين ومش قادرة اقولك الولد دة عامل فيا اية او يمكن انا اللي مش عارفة اتعامل معاة

المهم
ربنا يقويكي ويهديهم ويخليكي ليهم ويخليهم ليكي هما وباباهم

انا اخدت لفة سريعة في مدونتك ولسة هاكمل الباقي بأذن الله

تحياتي

blue-wave يقول...

بجد ربنا يباركلك فيهم
فكرتك رائعه
تحياتى لك ولهم

موناليزا يقول...

ربنا يحميهم ويباركلك فيهم

أم أحمد المصرية يقول...

صديقتي ام البنين
بارك الله لك فيهم و جعلهم قرة عين لك يار العالمين
علي فكرة التدوينة دي لها علاقة باخر تدوينة كتبتها عن يوميات شاب مصري في الصيف
اصلنا امهات زي بعض لذلك لنا نفس الاهتمامات :))

همس الاحباب يقول...

ههههههههه
حلو زعر جاية من ذعر وهيصة مش كده
بسم الله ماشاء الله ربنا يوفقهم
سعيد بزيارة مدونة حضرتك
واروح اشوف زعر عاملين ايه
تحياتى وتقديرى

الحافـــــــي يقول...

عرضك للحوار هايل .. و سروري باهتمام اصدقائك المدونين بيكي ليس له حدود بس انا خايف عليكي مني لو بدأت انشط ف الموضوع ده .ز ح اسحب البساط منك و كلهم ح يسيبوا أم البنين و يروحو علي ابو البنين .. الحافي

غير معرف يقول...

aked zead 3aez ekon leh mdona lo7doh ma hoa betl3 ro7na lma bege msr bas ana shefa we rbna ehdehomlk we a7san 7aga fe almodoana asm z3r laea 3lehom gdan