الجمعة، 5 سبتمبر 2008

أفتقـد رمضان

على مدار سنوات بعدي عن مصر كنت أفتدها بالفعل في شهر رمضان... كنت أفتقد جو العائلة ..والزحام في الشوارع وقت الإفطار ..والفوانيس التي يتلألأ أنوارها في الشوارع ..والزينات التي تنبيء بمقدم حدث سعيد ..كنت أفتقد تفاصيل رمضان في القاهرة ...

وهذا العام إضطرتنا الظروف أن أقضي رمضان هنا في مصر بمفردي وبدون زوجي ..وحتى بدون أولادي لأنهم كل يوم في بيت من بيوت الأهل الذين يستضيفونهم للعب مع أولادهم ...

كنت في البداية سعيدة لأني سأعوض ما إفتقدته في سنوات غربتي الماضية مع اني كنت حزينه لتركي زوجي بفرده ولكنها ظروف الحياة ...ومر علي أيام في رمضان ...ولكني إكتشفت أن الإحساس بطعم الأيام وبالحياة يكمن فيمن نعاشرهم ..ونعتاد عليهم ..وعلى وجودهم في حياتنا ...إكتشفت أن إحساسي برمضان أو بأي مناسبة لا يكمن في المكان ولكن فيمن نعيش معهم هذه اللحظات ..

فلقد تعودت طوال سنوات غربتي على طقوس معينة في رمضان ..مع زوجي وأولادي ..تعودت على إحساس خاص في رمضان أعيشه في هذه الأيام ..وعندما قضيت رمضان في مصر كما تمنيت من قبل ...لم أجد ضالتي ..لم أجد رمضان ..لم أجد الإحساس الدافيء في البيت الذي يجمعنا أنا وزوجي وأولادي ساعة الإفطار ..وفنجان القهوة الذي أسرع بتحضيره لرفيق دربي بعد الإفطار مباشرة وبدون تأخير ...لم أجد إحساسي بصلاة التراويح في غرفتي وعلى سجادتي ..حرمت الإحساس الجميل وزوجي يأخذني لقضاء عمرة رمضان في الحرم ..أبكي بشدة كلما تذكرت تلك اللحظات ..لم أجد أولادي لأجلس معهم بعد صلاة التراويح فهم في عالم آخر مع الأهل والأقارب ..أفتقدهم بشدة ..أفتقد ضجيجهم ..وحتى تعبي منهم..

أفتقد رجوع زوجي من عمله متعبا مع ساعات الفجر الأولى وجلوسنا للسحور معاً ..أفتقد كلمة تسلم إيديك من حبيب عمري وأيامي ..

كل يوم تنزل دموعي ساعة الإفطار ...أتمنى الرجوع إلى غربتي وكأنها أصبحت جزءاً مني لأني أفتقد زوجي ..أفتقد أولادي ..أفتقد الحياة....!!!!





37 من أمدوا قلمي مداده:

غير معرف يقول...

كلماتك اثرت فيا جدا وصدقينى كلنا مفتقدين الجو الرمضانى الجميل بتاع زمان

ان شاء الله تسافرى تانى لزوجك ويكونوا أولادك معاكى وترجعى كل الذكريات الجميلة

هونى على نفسك

وبعدين هو أحنا رحنا فين أحنا كلنا جمبك

تحياتى

مصعب رجب يقول...

رد الله إليكم غائبكم
وجمعكم على خير

عالم حبيب يقول...

أول تعليق

أقول فيه : رمضان كريم

عالم حبيب يقول...

السلام عليكم ورحمة الله وبركاته

حياكِ الله يأم البنين واسأل ربي جل وعلا أن يجمع شملكم في الدنيا على السعادة .. وفي الفردوس الأعلى مع الحبيب محمد صلى الله عليه وسلم

استشعر ما كتبتيه .. استشعر كل حرف .. لأني أحيا ما تحيين .. وأعاني مما منه تعانين .. أعيش هنا في بلد المفترض أنه اسلامي عربي .. لكن للأسف يحيا على الطريقة الأوروبية .. استشعر مدى الإختلاف في استشعار رمضان وحلاوته ومشاعره الايمانية بين مصر وبين أي بلد آخر .. أتمنى لو كنت في مصر .. وأنتي في مصر تتمنين أن تعودي للدفء الأسري .. هذا هو ثمن الغربة الذي ندفعه .. ربما تلك الدموع التي نسكبها على وجناتنا ساعة الافطار هي الضريبة التي ندفعها ثمنا لهذه الغربة

وفقك الله ولم شملكم على خير

حبارير يقول...

أستاذة إيما

ثرح الله صدرك ويسر أمرك ورد إليك كل ما تحبين يارب آمين

مش عارف أقول ايه

بس تألمت لأجلك لكنك عودتينا من حضرتك اقتناص الأشياء الجميلة من وسط متاعب الحياة

ونحن نزور حضرتك لنتزود لدنيانا وأخرانا معا

فليس أقل من دعاء مني لكم(الأسرة)وخاصة حين أجد حلاوة الدعاء

اجتهدي في مناجاة الكريم كما تعلمنا من حضرتك

ليت بيدي شئ آخر سوى الدعاء لقدمته لكم طيبة به نفسي لأستاذة كم علمتنا وراعتنا

رب احفظ أمتك أم البنين من كل مكروه وسوء ,واشرح صدرها ويسر أمرها وأزل همها وفرج كربهاوأبدلها مما هي فيه فرحا وسرورا وأنسا بك وبكتابك يا ودود يا كريم يارحيم آمين

الحافـــــــي يقول...

زوجتي الحبيبة و أم ذعاريري

انا كنت ناوي اكتب كلمتين عن احساسي برمضان لوحدي و الذي لم اذقه طيلة 42 عام هي مدة بقائي في هذه الدنيا و لكنك خلصت الكلام كله .ز تعرفي انا بقيت أغير بعض الطقوس اللي اتعودت عليها علشان ما اشعرش بالوحدة .ز في صلاة المغرب عمال ابص علي باب المسجد و حاسس ان الواد زياد و عاصم ح يدلوا من الباب و من يومين كنت بالف بالعربية قبل الافطار و المغرب اذن علي ف السكة قلت زمان التليفون ح يرن دلوقت من ايمان علشان تشوفني انا فين .. لكن هيهات مفيش تليفون و ما تفرقش اروح المغرب و لا العشاء.ز معلهش ربنا بس يجيبه بفايدة
تحيايتي و قبلاتي الحارة

زوجك الغائب الحاضر

غير معرف يقول...

احيانا نتمنى ما يفقدنا سعادتنا

ابحثى عن سعادتك بين ما عندك الان

ستجديها

ربنا معاكى

سلامات :)

مجرد خواطر يقول...

السلام عليكم
وحشتينى جدا جدا وكل سنة وانتى بألف صحة وسلامة ويا رب يجمعكم على خير ومش تفترقوا تانى أبدا يا رب هقولك على حاجة كنت باعملها انا وزوجى أيام ما كنت فى مصر كنت يا ستى آجى ساعة المغرب وأرن عليه وما آكلش الا لما ياكل وعشلان فرق التوقيت كنت باكسر صيامى واستنى ميعاد افطاره وكنا متفقين على رنات معينة مثلا رنتين يعنى وصل البيت 3رنات بيغرف 4 رنات بياكل وهكذا ووالله العظيم كنت كأنى عايشة معاه لحظة بلحظة صحيح مش زى واحنا مع بعض بس أحسن من مفيش

Zianour يقول...

ايما
كل سنة وانت بالف خير

الرفقة في الغربة وطن

والوحدة ف الوطن غربة

ربنا يلم شملكوا مع بعض ف اقرب وقت

تحياتي وقبلاتي للزعارير

وماتنسنيش من دعواتك
زيانور

د. إيمان مكاوي يقول...

bos bos
ربنا يبارك فيك ويسعدك ..وطبعا إنتم أهلي وأحبابي إللي بحس دايما بوجودهم حتى لو مش بشوفهم..
دمت سالمة

د. إيمان مكاوي يقول...

أبو أسامه
جزاك الله خيرا ونورت المدونه

د. إيمان مكاوي يقول...

عالم حبيب
بارك الله فيك ..وخفف عنك غربتك وجمعك بأهلك على خير
معلش ما نزلتش التعليقات بالترتيب لكن حقك في أول تعليق محفوظ
تحياتي

د. إيمان مكاوي يقول...

حبارير
في الحقيقه مش عارفه أقول إيه بعد الكلام ده ...جزاك الله خيرا على الدعاء ولا تنسانا دائما من صالح دعائكم ..
وعذرا على هذا البوست لكن أحيانا يجد الإنسان نفسه غير قادر على إقناص أي شيء سواء جميل أوغير ذلك ..أسألكم الدعاء

د. إيمان مكاوي يقول...

الحافي زوجي الغائب الحاضر
مش لوحدك إللي غيرت عاداتك أنا بقى ما بقاش لي أي عادات حتى الشاي إللي بنشربه بعد الفطار ما بقتش أشربه ..وكل حاجه طعمها وحش ..حتى رمضان إللي بنتظره كل سنه مش حاسه بيه ..مش بحس بيه إلا لما بنزل أصلي في المسجد
ربنا يقوينا ويزيل الهم عنا..أمين
ويستجيب دعاء أخواننا في الله زوار المدونه ربنا يبارك فيهم
تحياتي لحين اللقاء

د. إيمان مكاوي يقول...

magolia
ارك الله فيك ..أسألك الدعاء
وربنا يسعدنا جميعا

د. إيمان مكاوي يقول...

مجرد خواطر
والله وحشتيني إنت كمان يارب تكوني بخير ورمضان الجاي تكوني في مصر لكن مع زوجك
حلوه الحركات دي وإحنا شغالين رسائل وفي وأحيانا نت وربنا يقرب البعيد
دعواتك

د. إيمان مكاوي يقول...

zianour
كل سنه وإنت بألف خير
ربنا يجعل دايما لينا الرفقة في الغربه وفي الوطن
تحياتي

سميرة يقول...

كل سنة وانت طيبة ياجميل
فعلا رمضان له طعمه الخاص فقط مع من نقضيه معهم والطقوس التي نؤديها كل عام بانتظام هي اللي تشعرنا بجماله وسحره وخصوصيته.....
ربنا يلم شمل عائلتك الجميلة من جديد في اسرع وقت
تحياتي
:)

غير معرف يقول...

بارك الله فيكما ولم يحرمكما من بعض طول العمر

صحيح .. جنة من غير ناس .. ما تنداس .. هكذا نحن بعيدا عن احبائنا

عموما بعض الحق للولادين والاخوة لاباس به ايضا .. ولو كل فترة

تحياتى

ahmed_k يقول...

يا بختك يا دكتور
يا عم اللى إداك يدينا

حصوه في عين اللي ما يصلي على النبي

الربان يقول...

تحياتي


نعم متعة رمضان ان نكون مع احبتنا...صحيح المكان قد يضفي مزيدا من البهجة...لكن البهجة الحقيقية في رمضان هي التجمع مع من نحب.

ان شاء الله يلتئم الشمل قريبا...و ربنا يسعد كل اوقاتكم....


تحياتي و تقديري

Unknown يقول...

ربنا يجمعكم على خير ان شاء الله
وفعلا احساسنا باى شئ يكمن فمن نعاشر هم من يعطون الحياةطعم ومذاق وحتى مشاعر خاصة باللحظات معهم
ربنا يسر لك الامر ويجمعكم بسرعة وعلى خير ان شاء الله
تحياتى لك

Unknown يقول...

ان شاء الله يوم السبت الموافق 13/9
هيكون فى تجمع للتبرع فى مستشفى ابو الريش للاطفال
بناء على اقتراح قوس قزح
اتمنى انى اشوفكم هناك
تعالوا نحاول نرسم بسمه ونطهر ذنب
وبعدين هيكون فى افطار جماعى

tarek alghnam يقول...

ام البنين
فعلا بلدى هى بلد زوجى
ربنا يباركلك فى اولادك وفى زوجك
وكل عام وانتى بخير والاسرة الكريمه
وكل عام وانتم الى الله اقرب
تقبلى تحياتى
ودمتم بحفظ الله

NilE_QueeN يقول...

معلش معلش

الواحد مش بيحس بقيمة الشيء الا لما يفتقده

وانتى انشاء الله راجعه لزوجك ومعاكى اولادك وساعتها الايام اللى هتقضيها معاهم هيبقي طعمها احلى

elsha3er يقول...

الله بجد الواحد مفتقد للجو دة جزاكى الله خيرا

احمد الشاعر

Mohamed Dawod يقول...

سلام عليكم
دائما وانا أقرا بوستاتك أشعر وكأنى انظر لنفسى فى مرأه المستقبل. أقول لنفسى اذا هكذا سأشعر بعد فتره فى الغربه. من يومين فقط كنت أشتكى لزوجتى بعد وصولنا لبيتنا الجديد فى الغربه. أنى افتقد فوانيس رمضان والقلل اللى بطعم مية الورد والزينات المعلقه فى الشوارع واصوات القراء باللهجه المصريه تدوى فى كل مكان. تفاصيل صغيره وكثيره ولكن اتضح لى انها تفرق كتير معايا. كلامك من قبل كان دائما يقلقنى على المستقبل فى الغربه. ولكن ولأكون صريح معك هذه المره جعلنى أرتاح. ارتحت انى علمت انى سأعتاد على التفاصيل الرمضانيه الصغيره التى أعيشها الان......كل سنه وانتى وعائلتك طيبين وشكر.

دعاء مواجهات يقول...

ياحبيبة قلبى

انتى مش لوحدك
كلنا معاكى بقلوبنا

وبلاااش الأحاسيس دى فى لاشهر الكريم

حاولى ترجعى كل حاجة جميله كانت موجودة

ورجعى الاولاد الى مقضينها دول

وبعدين انا بحسدك

لان دا معناة طاعة اكتر ووقت اكتر للقرآن

ربنا يعينك

لو احتجتى اى احجة تعالى عندى وقوليلى انا تحت امرك

اتمنى اشوفك قريبا

سلاام

شــــمـس الديـن يقول...

سبحان الله

كلماتك دي يا ابما فعلا بتؤكد لي حقيقة توصلت اليها و لكني لكن بحاجة الي ادله عمليه تؤكدها

حياة الانسان هي الملاصقة له و لو دققنا النظر ... الغربة دي وهم في دماغنا لان الواحد لما بيتجوز كدا كدا بيسيب بيت اهله لبيت تاني و ناس تانية جيران و حي مختلف تماما ... فحتي ان كنت في الشارع المجاور او في البلد المجاول ام المدينة المجاورة يظل الامر هو هو و تدريجيا الواحد بيتعود علي حياته الجديدة :)


اتمني لك العودة الي اسرتك و ليست الغربة كما تقولين

الغربة في القلب فقط و لكن المطن هو حيث يوجد احبابنا

خالص التحية :)

محمد فكري يقول...

ربنا يجمعكو ببعض ويهنيكوا يا رب..
....................
بوست جميل..وإحساسه عالي قوي
شكراً ليكي

SMA يقول...

السلام عليكِ ورحمة الله وبركاته..
أولاً كل سنة وأنتِ طيبة بمناسبة شهر رمضان الغالي..

* * * *
ثانياً كل مكان له طابع إنت حبيتي تكوني مع زوجك وأولادك كما كنتم من قبل.. وهذا طبيعي لأن دي هي حياتكم إلي عشتوها مع بعض سنين..

* * * *
وحاولي ماتسيبيهوش لوحده تاني.. أنا عارفة إنه كان نفسك تشوفي رمضان في مصر لكن هو أكيد مفتقدكم في هذه اللحظات وأكيد منتظر ساعة العودة..
يا رب يجمعوا على الخير دائماً.. اللهم آمين..

ويا ريت لو عندك نصيحة أوتعليق معين بخصوص مدونتي قوليهالي بدون أي حواجز عشان أنا جديدة في عالم المدونات..
ـــ و كـل سنـة وإنـت طيبـة ـــ

SMA يقول...

بصراحة أنا سعيدة جداً بزيارتك لي وكلماتك الجيلة أثارت في الحماسة بالتجديد عشان أقدر أقدملكم حاجة أفضل..

* * * *
وبما أنك قولتيلي إنك غاوية مطبخ فأنا هاحوطلك إن شاء الله في رسالة " رمضان اليوم الثالث عشر " وصفة حلو.. بس من إلي قلبك يحبه يا رب تعجبك و الوصفة مدعمة بالصور وتقدري تتبعيه خطوة بخطوة..

* * * *
وكــل سنـــة وإنـــت طيبـــــة

شفـقــة و إحســــان يقول...

يا ايما الواحد ما بيصدق يخلص من جوزه
وحشتينا بس زعلانين منك ايه لا سوال ولا كلام هى دى الصحبيه

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالتعليق

Unknown يقول...

سعدت بلقائى الثانى معك
ربنا يوفقك ويخلى اسرتك ويبارك لك فيها
وجزاك الله خيراا على عمل الخير

maha zein يقول...

ياااااااااااااااه
مشتاقة للغربة
فعلا احساسك الحلو فى الاصل بيكون مع الناس الحلوة والمكان هو اللى بيحيط بالجو الجميل ده
لكن يفيد ايه مكان وانتي مش مع الناس اللى بتحبيهم
رنا يرجعكم لبعض سالمين غانمين ان شاء الله
ربنا يفك ضيقتك امين

بنات صاحبة الجلالة يقول...

اختي الغالية

ربنا يخليلك زوجك واولادك يارب ويجمعكم تاني باذن الله اصعب حاجة علي الواحد الغربة الداخلية لما يحس انه متغرب جو بلده وباذن الله ربنا يرجعلك زوجك قبل العيد حتى لا تضيع فرحه العيد وكل سنة وانتي طيبة وسعيدة بمعرفتك ولقائك وانا تحت امرك فاي حاجة تطلبيها

تحياتي