السبت، 20 ديسمبر، 2008

جدد مشاعرك


يا ترى بعد مرور سنوات طويله على الزواج ...هل هناك كلمات حب متبادلة بين الزوجين ..هل لا زال كل منهما يهتم بما يهتم به الآخر ..
هل لازال هو يكتب لها قصيدة 
وهي ترسم له قلبا على رسالة صغيرة
هل لازال يشتري لها عطرها المفضل 
وهي تنتقي له أحلى الهدايا
أم أن هذه الأشياء الصغيرة قد تاهت في زحمة الحياة ..وإنشغال كل منهما بالعمل وتربية الأبناء
إقترح زوجي أبو البنين عمل جروب على الفيس بوك الذي دخلنا عالمه قريبا ...هذا الجروب يتيح لكم أن تعبروا عن خواطركم للطرف الآخر وشريك حياتكم من شعر أو نثر أو خاطره ..وبعد كتابتها يرى كل منا هل يمكن إهداءها فعلا للطرف الآخر أم أن متاهات الحياة والروتين اليومي قد اصاب هذه الحياة بالملل 
إسم الجروب جدد مشاعرك
وتجدونه هنا

12 من أمدوا قلمي مداده:

محمد عتلم يقول...

د. ام البنين : والله لو بالطبل البلدى هيفضلو يهتموا ببعض حتى مع الانشغال بمشاغل الحياه ده لو هما اصلا صادقين فى مشاعرهم وبيحبو بعض بجد
بس لو بيجاملو بعض اكيد الحياه هتكون سخيفه وممله
وطبعا لو مش بيحبو بعض اصلا ... فالحياه لا تطااااااااق
بس مافيهاش حاجه لو الواحد جه على نفسه شويه وعمل حاجه حلوه للطرف التانى عشان هوا بيحبها وفى نفس الوقت هيكون الطرف اللى بيعمل الحاجه دى مش هيكون خسران حاجه اصلا بالعكس هيكون كسبان على الاقل هيكسب احترام, ثقه , تفاهم , موده ... وبكده تكون الحياه مقبوله نوعا ما بشكل محترم

نهر الحب يقول...

ربنا يوفقك فكرة حلوة
ممكن اشترك لما ربنا يرزقنى زوج صالح هه
انتظرونى بعض سنوات
بصى هقولك شئ واحد الكلمة الطيبة صدقة
فما بالك انت تكون بين زوجين
يا لها من صدقة ومن تجديد للمشاعر
واللحظات الجميلة

واحدة مفروسة يقول...

فكرة برضه
بس انتى عارفه بعد سنسن جواز كتيرة او مش كتيره
بس كل ما تمر الايام كل ما التعود بيحل محل كلمات الحب
و لكن الحب بين الزوجين بيظهر فى صور تانيه عير الكلام
مثلا القلق عليها او عليه لو حد مر بمرض مثلا
او اي ضائقة

لكن الكلمات بتقل و ده طبيعي
ممكن الحب يظهر في طبطبة مثلا لكن مش كلام

شفقة هانم واحسان بك يقول...

وى ورومانسية جدا
بس اعتقد ان عدد الناس هيبقى قليل لان مابقاش فى حاجة اسمها حب وخاصة بعد الجواز
وهما كانوا بينطقوا قبل الجواز لما هينطقوا بعده
عموما هما لو نطقوا مش هيقولوا شعر ولا قصائد لا هيقولوا نثر ودرر

fashkool يقول...

يا دكتوره .. الله يهدى لك الحال .. هههههه .. والله من كتر المسئوليات وحاجات العيال حتى ما احنا فاضيين نكلم بعض الا هات البامبرز للواد محمود حفيدى الثالث اللى مولود من اسبوع .. اصل احمد ابن اسامه تعبان وعايز يروح للدكتور .. البت ملك بقى اخت محمود اللى مولود من اسبوع رخمه ورغايه وعايزه 4 يلاعبوها وبتركبنى حمار وتقول شى يا حمار وانا ركبى وجعتنى من كتر ما شى ياحمار .. وام اسامه بقى كل يوم على الصبح ترزعنى قلمين وتقول يا شيخ روح الله يسهل لك واذا ما جبتش فلوس اوعى ترجع البيت .. ههههه ربنا يفرحك بعيالك يا دكتوره ايما

موناليزا يقول...

دعوة هامة يحتاجها المتزوجين مهما مرت عليهم السنين
وفقكم الله

يا مراكبي يقول...

إحم

ليه بس كده يا دكتورة؟
ليه بس كده يا دكتور؟
لازم الإحراج ده يعني؟

بلاش الجروب ده حقنا للدماء .. دمائي أنا طبعا .. ههههه

mohamed ghalia يقول...

بجد فكرة هايلة
مع غنى لسه مدخلتش فى المواضيع دى
بس الفكرة ممتازة
دمتى بكل الود

mony يقول...

ربنا يكرمك يا ام البنين

فعلا ساعات الزوجين بيفتقدوا شوية من الاهتمام ببعض نظرا لكثرة الانشغال


و للاسف في ازواج مابيحبوش يظهرو الاهتمام ده بحجة
"علشان ماتتمرعش"
(يقصد الزوجة)

كلمة سمعتها كتييييير و ضايقتني اكتر

ربنا يهدي الجميع

ماما أمولة يقول...

فكرة جميلة لكني لا اتعامل مع الفيس بوك

لكني والحمد لله بعد عشرين سنة من الزواج

احمل لزوجي كثيرا من المشاعر الجميلة

فكرة جميلة يا ايما

دمتي بكل الخير

hicivil يقول...

ههههههههههههه الله يعينك يا عمو فشكول

د. إيمان مكاوي ( أم البنين ) يقول...

بجد بشكر كل إللي دخلو وعلقوا على الموضوع ..وكمان إللي اشتركوا في الجروب ولكن واضح إن مافيش حد عنده كلام عايز يقوله للطرف الآخر ...ودي المصيبه
لأن محدش للأن بعت حاجه
ربنا يستر ويكون ظني غلط
منتظرين