الأربعاء، 30 أبريل 2008

ثقافة اللأه ه ه ه ه ه

قبل زواجي كنت بحلم أن أنجب أطفالاً بيسمعوا الكلام ,وبيقولوا (حاضر يا ماما )وده طبعاً لأننا كنا كده وإحنا أطفال لكن واضح إننا كتا مش أطفال (كنا ملايكه )...وطبعاً بعدما رزقت بالأطفال ضاعت أحلامي واتكسرت على صخرة الواقع ....فلقد علمني أولادي ....ثقافه جديده ...وهي ثقافة ال (لأه ه ه ه...)أي الرفض التام لما أقوله ,والتصميم على ذلك ,والغريب إن عندهم قدره عجيبه على التصميم ......وطبعاًأنا كنت مع إبني الكبير (لسه أم طازه )صارمه وحازمه وبعنا آخر أعند منه ,وكنت باصمم على إن كلامي يتنفذ ....ولكني وجدت مع الأيام أني لا أعاند غير نفسي ,وأن التربيه محتاجه شوية مرونه لأن العند لا يولد غير عند ....و هذا الموضوع بحاول تداركه مع إبني الثالث (آخر العنقود سكر معقود ) رامز افندي بيه ...وإللي ثقافة ال (لأه ه ه ه ...)عنده واضحه جداًومن بدري (عمره سنتين ونصف )ولكنه يرضخ لأي عندما لا أعانده ,وأحاول فهم تفكيره على فين رايح ,فياريت تفهموا كويس هذه الثقافه .....علشان نفهم أولادنا صح..

4 من أمدوا قلمي مداده:

و القادم....أجمل يقول...

عندك حق العند بيولد عند
اللين حلو في كل الأشياء
ربنا يعينك و يخليهم ليكي

:)
مستنين البااااااقي

موناليزا يقول...

جميل جدا انك اخيرا تداركتى ده والاجمل ان بتشاركينا خبراتك فجزاكم الله خير
=================================
هااااااااام

ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي

http://kawlansadida.blogspot.com/2008/04/blog-post_21.html و

جزاكم الله عن إسلامكم خيراً"

Miss. Sosa يقول...

اولا ربنا يخليهوملك
ثانيا الطفل لا يرضخ للاخرين الا عندما يشعر ان الاخرين لا يعارضونه فهو امير نفسه دائما لا يريد ان يخضع لسلطان احد دنييته اكبر بكتير من دنيتنا بكل تفاصيلها وبيحب يعيشها زي ما هو عايزة وكلمة لا من الكبار بالنسبه للطفل عبارة عن اسوار بالنسباله لابد ان تنهار ليتمتع بالحرية
..........معلش يمكن اكون خرفت شوية

سنووايت يقول...

بحس ان التربية دي مسئولية كبيرة جدا لان اي زيادة عن المعقول ممكن تضيع الدنيا
بس زي ما قلتي العند بيولد عند واللين بردو بيولد تسيب
خير الامور الوسط
ربنا يخليهملك وتربيهم احسن تربية